skip to Main Content
  • Acció per la República ei ua organizacion politica d’encastre nacionau. Èm un partit damb vocacion de govèrn, ara e a mesura qu’eth país que volem sigue ua realitat.
  • Èm hemnes e òmes d’ideologies diuèrses, progressistes, democrates e republicans, que mos comprometem a lutar e trabalhar sense pòsa pera independéncia deth país e entà hèr efectiva era Republica que siguec declarada eth dia 27 d’ octobre de 2017.
  • Èm eretièrs deth Prumèr d’Octobre, e n’arrecuelhem eth mandat. E tanben mos sentem eretièrs dera grèva de país deth 3-O. Credem en besonh de persistir ena mobilizacion, ena luta non violenta e ena unitat deth movement independentista.
  • Credem ena democracia e ena participacion, tanben ena transparéncia e en rendiment de compdes, e atau auem organizat eth partit. Credem ena governança dempús des valors republicanes basics de libertat, igualtat e frairesa.
  • Èm fòrtaments convençudi qu’amassa podem arribar fòrça luenh, e qu’era illusion, eth trabalh tenaç e er esfòrç collectiu d’un pòble que vò èster liure mos portaràn a crear es condicions entà implantar era Republica catalana. Credem qu’era politica se hè de baish naut, mès tanben credem qu’era politica a era obligacion de dar responses reaus as problèmes reaus.
Back To Top